Tailerra 1948tik
Alberdi tailerra Irunen sortu zuen 1948an José Alberdi Arrutik (Oikina-Zumaia, 1916-Irun 2009). Azpeitian ikasi zuen egurra zizelkatzen, Azkue altzari fabrikan, eta han aritu zen Espainiako gerra zibila hasi arte. Hau amaitu ostean, bere familiarekin Irunera joan zen bizitzera. Bertan bere etxea eraiki zuen, eta beheko solairuan tailerra sortu zuen, eta bertan egurrezko altzariak zizelkatzen aritu zen. Denborarekin bustoetan, heraldikan, plaketan… Euskal irudi tipikoekin espezializatu zen. Bere seme José Manuel Alberdi eta Iñaki Alberdi aritu ziren berarekin lanean eta tradizioari eutsi zioten.
3 belaunaldiko artisauak
1980an Iñaki Alberdi makila egiteko arteari dedikatzen hasi zen. Urte batzuk lehenago, Alberdi anaiak konturatu ziren, Iparraldean makilak sortzeko ohiturari eusten zioten bezala, Bidasoaren alde honetan hori guztiz galduta zegoela, Gerra Zibilaren eta ondorengo Diktaduraren ondorioz.
Urteetako esfortzu eta lanaren ondoren, Iñakik lortu zuen makila, euskal kulturaren ikur zaharrenetako bat, ahanzturatik erreskatatzea. 1991n, Gipuzkoako Merkataritza, Industria eta Nabigazio Ganbera Ofizialak diploma bat eman zion Iñakiri, artisau-lana eta euskal kultura-ondarea aberasteko eta iraunarazteko egindako ahalegina aitortzeko.
Gaur egun, bere seme-alabek Beñat eta Saioari eutsi diote tradizioari, Alberdiko artisauen hirugarren belaunaldia izanik.
